Litlu álfaspáspilin komu út um Jónsmessuna.Þessi einstöku spil eru gerð af Ragnhildi Jónsdóttur. Hún byggir þau af reynslu sinni af spásögnum og sterku sambandi við álfheima og íslenska náttúru. 

Þeir sem hafa áhuga á upplýsingum um spilin geta haft samband í

ragjo(hjá)ragjo.is

Úrdráttur úr inngangi litlu bókarinnar sem fylgir Litlu álfaspáspilunum:

„Á Íslandi hefur trú á álfa og hulduverur fylgt okkur frá upphafi landnáms.

Ég ólst upp í nágrenni Hellisgerðis í Hafnarfirði. Sá garður er þéttbyggður hinum ýmsu hulduverum. Þessar verur voru hluti af æsku minni, hluti af leikfélögunum.“

Sýnishorn af álfaspáspili og texta

Hinir mörgu heimar steinsins –

Það er hægt að horfa á stein á ýmsa vegu. Það eru margar leiðir til að sjá Lífið. Sérðu aðeins gráan klump í veginum? Eða köngulóna sem spinnur sinn vef? Sérðu gróðurinn eða fuglinn sem flýgur yfir? Eða tekurðu eftir ljósinu inni í steininum? Þegar þú hefur komið auga á ljósið, skaltu fylgja því, það er leiðin sem þér er ætluð.